ජාතික ඉන්ධන අවසර පත්‍ර QR පද්ධතිය වෙන් කර ඇති ඉන්ධන කෝටා වැඩි කෙරෙන බව විදුලිබල හා බලශක්ති අමාත්‍ය කංචන විජේසේකර මහතා ට්විටර් පණිවුඩයක් නිකුත් කරමින් සඳහන් කරයි.
ඒ අනුව ලියාපදිංචි කුලී රථ ත්‍රිරෝද රථ සඳහා සතියකට ලීටර් 22ක්, අනෙකුත් ත්‍රිරෝද රථ සඳහා සතියකට ලීටර් 14ක් සහ මෝටර් බයිසිකල් සඳහා සතියකට ලීටර් 14ක් ලැබෙන බව එම පණිවුඩයේ සඳහන් වේ.
ට්විටර් පණිවුඩයේ වැඩි දුරටත් සටහන් වන්නේ මෝටර් රථ සඳහා සතියකට ලීටර් 40 ක කෝටාවක් ලැබෙනු ඇති බවත් වැඩි කරන ලද නව ඉන්ධන කෝටා අඟහරුවාදා මධ්‍යම රාත්‍රියේ සිට ලබා ගත හැකි බවයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
