ව්‍යවසායකයන් දිරිගන්වමින් ආර්ථිකය ගොඩනංවන්නේ කෙසේද යන මැයෙන් රජයේ ප්‍රවෘත්ති දෙපාර්තමේන්තු පරිශ්‍රයේ අද (22) පැවති ප්‍රවෘත්ති සාකච්ඡාවකට එක්වෙමින් ඒ මහතා මේ බව පැවසීය.
වැඩිදුරටත් අදහස් දක්වන ඒ මහතා පවසන්නේ මූල්‍ය අරමුදලේ සහනය ලැබීමෙන් පසුව නැවතත් ණය ලැබෙනතුරු බලාසිටීම නොව කළයුතු වන්නේ ව්‍යවසායකත්වය තුළින් විදේශ ප්‍රේෂණ ලැබීම වැඩිකිරීම බවත්, ඒ සඳහා ව්‍යවසායකයන් ඉදිරිපත් විය යුතු බවත්ය.
මෙම අවස්ථාවට එක්වූ තන්ත්‍රි ට්‍රේලර්ස් සමාගමේ සභාපති අතුල සපුතන්ත්‍රි මහතා පවසන්නේ ව්‍යවසායකත්වය පාසල තුළින්ම ඇතිවිය යුතු එකක් බවත්, ඉදිරියේදී පාසල උපයෝගී කරගෙන ව්‍යවසායකයන් ඇතිකිරීමත් ව්‍යවසායකයන් හඳුනා ගැනීමත් කළ යුතු බවත්, වර්ථමානයේ ඇතිවූ අර්බුදය යලි ඇති නොවීමට ව්‍යවසායකත්වයෙන් යුතු ජාතියක් ඇති කළ යුතු බවත්ය.
මෙම අවස්ථාවට මයික්‍රෝ ඉලෙක්ට්‍රිකල්ස් සමාගමේ සභාපති ධම්මික සමරවික්‍රම මහතාද එක්වූ අතර ඒ මහතා අදහස් දක්වමින් පැවසුවේ, අපේ රටේ අපනයන විදේශයන්හි ගෙනයාමටත් මෙරට සන්නාමය විදේශය තුළ ඇතිකිරීමටත් කටයුතු කළ යුතු බවයි.
