ගම්පහ දිස්ත්‍රික්කයේ අඩු ආදායම්ලාභී නාගරික ජනතාවක් වෙසෙන පෑලියගොඩ ප්‍රදේශයේ ජනතාව වෙත මෙම වෛද්‍ය සායන මාලාව හා සම්බන්ධ වීමේ හැකියාව පවතින අතර එහිදී කාන්තාරෝග සායන, වකුගඩු රෝග සායන, අක්ෂි රෝග සායන, දන්ත සායන, බාහිර රෝගී අංශ ප්‍රතිකාර සේවාවන්, රුධිරගත සීනි සහ මේද පරික්ෂාවන් ඇතුලු රසායනාගාර සේවාවන්, ශරීර ස්කන්ධගත දේහ දර්ශක මැනීම, ECG පරීක්ෂාවන්, වෛද්‍ය උපදේශන සේවා සහ බෝවන සහ බෝ නොවන රෝග පිළිබද සෞඛ්‍ය වැඩසටහන් හා සම්බන්ධ වෙමින් බටහිර වෛද්‍ය ප්‍රතිකාර ලබා ගැනීමේ හැකියාව පවතින අතර සර්වාංග රෝග සදහා පාරම්පරික, ආයුර්වේද හා හෝමියෝපති විශේෂඥ වෛද්‍ය ප්‍රතිකාර ද මෙම වෛද්‍ය සායන මාලාව මගින් ලබා ගැනීමේ හැකියාවක් පවතියි.
එමෙන්ම මෙම වෛද්‍ය සායනය හා සම්බන්ධවන්නන්ට විශේෂ වට්ටම් යටතේ ආයුර්වේද ඖෂධ සංස්ථාවේ නිෂ්පාදන මිලට ගැනීමේ හැකියාවක් පවතින අතර මරණයෙන් පසු ශරීරයේ ඉන්ද්‍රියන් හා පටක දන්දීම උදෙසා ලියාපදිංචිය ලබා ගැනීමේ හැකියාවද පවතියි.
