ජාති ආගම් කුල මළ වර්ණ සහ ලිංග භේද වලින් තොරව තර්ජනයෙන් ගර්ජනයෙන් සහ බියෙන් සැකෙන් තොරව තමන් කැමති තැනක ජීවත් වීමටත් ජීවනෝපාය සකසා ගැනීමටත් පුරවැසියන්ට අයිතියක් තිබිය යුතු බව කැබිනට් ප්‍රකාශක ජනමාධ්‍ය අමාත්‍ය ආචාර්ය බන්දුල ගුණවර්ධන මහතා ප්‍රකාශ කළේය.
ඔහු මේ බව පැවසුවේ, අද (24) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී ජ්‍යේෂ්ඨ මාධ්‍යවේදී මොහාන් සමරනායක මහතාට තර්ජන එල්ල වීම සම්බන්ධයෙන් මාධ්‍යවේදියෙකු යොමු කළ පැනයකට පිළිතුරු ලබාදෙමිනි.
එම අයිතිය රටකට නොලැබේ නම් එයට අවහිර කරන අයට තරාතිරම නොබලා දඬුවම් කිරීමේ කාර්යය කළ යුතු බවද සමාජයක් සත්සමාජයක් බවට පත්වීමට නම් එය අනිවාර්ය යැයිද විජයදාස රාජපක්ෂ මහතා වින්දිතයන් සහ සාක්ෂිකරුවන් ආරක්ෂා කිරීමේ දිනයක් ප්‍රකාශ කළේ ද මෙම අරමුණෙන් බවද අමාත්‍යවරයා අවධාරණය කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
