එසේ අවශ්‍ය උපදෙස් ලබා දී ඇත්තේ ‘සති පාසල’ නියෝජිත කණ්ඩායමක් සමග පසුගිය ද අධ්‍යාපන අමාත්‍යාංශයේ පැවති සාකච්ඡාවක දී ය.
‘සති පාසල’ වැඩසටහනේ නිර්මාතෘ පූජ්‍ය උඩ ඊරියගම ධම්මජීව හිමියන් විසින් වසර ගණනාවක් පුරා අඛණ්ඩ ව පවත්වාගෙන එනු ලබන මෙම වැඩසටහන ඉදිරියට පවත්වාගෙන යන ලෙසත් අමාත්‍යාංශ මට්ටමින් ඒ සඳහා දිය හැකි උපරිම සහයෝගය ලබා දෙන බවත් සඳහන් කළ අමාත්‍යවරයා සර්වාගමික නියෝජනයක් සහිත කමිටුවක් මගින් සියලු දෙනාට ම ප්‍රයෝජනවත් වන ලෙස මෙම වැඩසටහන වඩාත් පුළුල් පරාසයක ක්‍රියාවට නැංවීමේ කාලීන යෝග්‍යතාව ද පෙන්වා දුන්නේ ය. පාසල්වල දෛනික ව සතිමත් බව ප්‍රායෝගික පුහුණු වීමට කාලයක් ලබා දී අත්හදා බලා අනතුරු ව සෑම භාෂා මාධ්‍යයකින් ම න්‍යායාත්මක හා ප්‍රායෝගික පුහුණුවක් ඔස්සේ සමස්ත පාසල් පද්ධතිය තුළ ම මේ ‘සතිමත්බව’ පිළිබඳව වැඩසටහන් පැවැත්වීමට මෙහි දී අමාත්‍යවරයා යෝජනා කළේ ය.
