ප්‍රවාහන කටයුතුවලදී ඉන්ධන පිරිවැය වැඩිවීම හේතුවෙන්, ඊට විකල්පයක් ලෙස එළවලු සහ පළතුරු ප්‍රවාහනයේදී දුම්රිය යොදාගැනීමට වැඩපිළිවෙලක් යොදා ඇති බවත්, නුදුරේදී මේ සම්බන්ධ වැඩපිළිවෙල ක්‍රියාත්මක කරන බවත්, , ජනමාධ්‍ය හා ප්‍රවාහන අමාත්‍ය බන්දුල ගුණවර්ධන මහතා පවසයි.
රජයේ ප්‍රවෘත්ති දෙපාර්තමේන්තු පරිශ්‍රයේ (29) පැවති “දුම්රිය ඉදිරි සැලසුම් සහ නව දුම්රිය ගමන්වාර ආරම්භ කිරිම” යන මැයෙන් පැවති විශේෂ මාධ්‍ය හමුවේදී අමාත්‍යවරයා මේ බව පැවසීය.
වැඩිදුරටත් අදහස් දක්වමින් අමාත්‍යවරයා පැවසුවේ, මේ වන විටත් ඉන්ධන වැනි දෑ මේ වන විටත් දුම්රියෙන් රැගෙන යන බවත්, නුදුරේදී එළවලු පළතුරුවලට අලාභහානි නොවී දුම්රියෙන් රුගෙන යාමේ පහසුකම ඇති කිරීමේ ක්‍රමවේදය සාකච්ඡා කරන බවත්, ඒ අනුව විවිධ භාණ්ඩ දුම්රියෙන් ප්‍රවාහනය කිරීම ආරම්භ කරන බවත්ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
