ඔක්තෝබර් 22, 2021
tami eng youtube  twitter facebook

    ආපදා අවදානම් අවම කිරීම සඳහා වන ජාත්‍යන්තර දින ජාතික උත්සවය ආරක්‍ෂක ලේකම්ගේ ප්‍රධානත්වයෙන්

    ඔක්තෝබර් 14, 2021

    ආපදා අවදානම් අවම කිරීමේ ජාත්‍යන්තර දිනය සැමරීමේ ජාතික වැඩසටහන (ඔක්තෝම්බර් 13) දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්විණි.

    ආපදා කළමනාකරණ මධ්‍යස්ථානය විසින් සංවිධානය කරන ලද මෙම අවස්ථාවට ආරක්‍ෂක අමාත්‍යාංශයේ සහ ජාතික ආරක්‍ෂක හා ආපදා කළමනාකරණ රාජ්‍ය අමාත්‍යාංශයේ ලේකම් ජෙනරල් කමල් ගුණරත්න (විශ්‍රාමික) මහතාගේ ප්‍රධාන ආරාධිත අමුත්තා ලෙස සහභාගී විය.

    මෙම සැමරුමේ සමස්ත අරමුණ වනුයේ ලෝකයේ ආපදා බහුල ප්‍රදේශවල වෙසෙන ජනතාවගේ ජීවිත කෙරෙහි යහපත් බලපෑමක් ඇති කරන ජාත්‍යන්තර සහයෝගීතාවය ඉස්මතු කර දැක්වීම සඳහා උපදේශන වේදිකාවක් සැපයීමයි.

    ගෝලීය ආපදා අවදානම අඩු කිරීමේ සංස්කෘතියක් ප්‍රවර්‍ධනය කිරීම සඳහා එක්සත් ජාතීන්ගේ මහා මණ්ඩලය 2021 ඔක්තෝබර් 13 වන දින ආපදා අවදානම අවම කිරීමේ ජාත්‍යන්තර දිනය ලෙස ප්‍රකාශයට පත් කළ අතර අද පැවති මෙම සැසිවාරයේදී එක්සත් ජාතීන්ගේ සංවිධානයේ මහලේකම් ඇන්ටෝනියෝ ගුටරෙස් විසින් විශේෂ වීඩියෝ පණිවිඩයක් ලබා දුන්නේය.

    දේශීය හා විදේශීය වෘත්තිකයින් සහ ශාස්ත්‍රවේදීන්ගෙන් සමන්විත ප්‍රවීණ මණ්ඩලයක් විසින් ඔවුන්ගේ අදහස් හා අත්දැකීම් හුවමාරු කර ගත්හ.

    තවද, ශ්‍රී ලංකාවේ මෙම දිනය සැමරීම සංකේතවත් කරමින් ආපදා කළමනාකරණ මධ්‍යස්ථානය විසින් පොත් එළිදැක්වීමක් ඇතුළු තවත් වැඩසටහන් කිහිපයක් සංවිධානය කරන ලදී.

    දිනයේ වැදගත්කම සනිටුහන් කරමින් ආපදා කළමනාකරණ මධ්‍යස්ථානයේ අධ්‍යක්ෂ ජෙනරාල් මේජර් ජෙනරල් සුදන්ත රණසිංහ මහතාගේ විසින් ආරක්‍ෂක ලේකම් වෙත සමරු ඵලකයක් පිළිගැන්වීමද මෙහිදී සිදුවිය.

    340x250

    නවතම පුවත්

    dgi log front

    electionR2sin

    recu

    Desathiya