සැප්තැම්බර් 19, 2021
tami eng youtube  twitter facebook

    දකුණු කොරියානු තානාපති ආරක්‍ෂක ලේකම් හමුවෙයි

    ජූලි 23, 2021

    ශ්‍රී ලංකාවේ කොරියානු ජනරජයේ තානාපති අතිගරු වුන්ජින් ජියොන්ග් මහතා ප්‍රථම වරට (ජූලි 22) දින ශ්‍රී ජයවර්ධනපුර කෝට්ටේ පිහිටි ආරක්‍ෂක අමාත්‍යාංශයේදී ආරක්‍ෂක ලේකම් ජෙනරල් කමල් ගුණරත්න (විශ්‍රාමික) මහතා හමුවිය.

    උණුසුම් පිළිගැනීමකින් අනතුරුව, ආරක්‍ෂක ලේකම් සහ තානාපතිවරයා අතර ද්විපාර්ශ්විකව වැදගත් වන කරුණු පිළිබඳව සහ දෙරට අතර හමුදා සහයෝගීතාවය පුළුල් කිරීම මෙන්ම වෙළඳ ආයෝජන සම්බන්ධවද සුහද සාකච්ඡාවක් පැවැත්වීය.

    දෙරටේ පවතින කොවිඩ් -19 වසංගත තත්වය පිළිබඳවද මෙහිදී සාකච්ඡා කළ අතර, වසංගත තත්වය තුළ ශ්‍රී ලංකා ජනතාව ආරක්‍ෂා කිරීම සඳහා කොරියානු ජනරජයේ පූර්ණ සහයෝගය ලබා දෙන බවට තානාපතිවරයා පොරොන්දු විය.

    දෙරට අතර ආරක්‍ෂක සබඳතා වැඩි දියුණු කිරීමට තානාපතිවරයා සිය කැමැත්ත ප්‍රකාශ කළ අතර ශ්‍රී ලංකා ආරක්‍ෂක ලේකම්වරයා ද ඒ සඳහා එකඟ විය.

    මෙම අවස්ථාව සනිටුහන් කිරීම සඳහා සිහිවටන හුවමාරු කර ගැනීමද සිදුවිය.

    කොවිඩ් - 19 පැතිරීම පාලනය කිරීම සඳහා වූ සෞඛ්‍ය මාර්ගොපදේශයන්ට අනුකූලව පැවති මෙම සාකච්ඡාවට ආරක්‍ෂක අමාත්‍යාංශයේ හමුදා සම්බන්ධතා නිලධාරි බ්‍රිගේඩියර් දිනේෂ් නානායක්කාර ද එක් විය.

    340x250

    නවතම පුවත්

    dgi log front

    electionR2sin

    recu

    Desathiya