අනුරාධපුර දිස්ත්‍රික් - පාර්ලිමේන්තු මන්ත්‍රී ඖෂධ නිෂ්පාදනය, සැපයීම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතාගේ සංකල්පයකට අනුව උතුරු මැද ගොවි ජනතාවට කාලයක් පුරා පවතින ගැටළුවක් වන පිරිසිදු පානීය ජලය නිසි ක්‍රමවේදයකට අනුව ලබා දීම පිණිස “නිල් දියවර” නම් පානීය ජල ව්‍යාපෘතිය ආරම්භ විය.
මෙම ව්‍යාපෘතිය යටතේ කලා වැව ආසන්නයේ මහඉලුප්පල්ලම හා ඉපළෝගම ප්‍රදේශවල ජල පවිත්‍රාගාර ඉදිකිරීමේ කටයුතු ඖෂධ නිෂ්පාදනය, සැපයීම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතා පසුගියදා ආරම්භ කළේය.
මෙමගින් එම ප්‍රදේශ වල ගොවි පවුල් 1200ට පමණ පානීය ජලය ලැබෙන අතර, එම ව්‍යාපෘතිය සඳහා රු ලක්ෂ 30ක පමණ මුදලක් වැයවේ.
මෙම ව්‍යාපෘතිය ක්‍රියාත්මක කිරීම ශ්‍රී ලංකා නාවික හමුදාව විසින් සිදු කරනු ලබයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
