අමාත්‍යවරයා මේ බව පැවසූයේ අද(07) රජයේ ප්‍රවෘත්ති දෙපාර්තමේන්තුවේ දී පැවති මාධ්‍ය සාකච්ඡාවක් අතරතුර දී ය.
වර්තමාන සමාජයේ අප එදිනෙදා මුහුණදෙන සාහසික ක්‍රියා, මත්කුඩු භාවිතය, ගෘහස්ත සාහසිකත්වය, කුඩා දරුවන්ට අමානුෂික ලෙස පහරදීම්, මව විදේශගතවීම නිසා පවුල තුළ ඇතිවන ගැටලු, වයෝවෘද්ධ දෙමාපියන් මහමඟ දමා යෑම වැනි දෙයෙහි රෝග නිධානය වන්නේ පෙරපාසල් අධ්‍යාපනය බව ත් මේ පිළිබඳ දැඩි අවධානයක් යොමු කළ රාජ්‍ය අමාත්‍ය පියල් නිශාන්ත, අමාත්‍යංශ ලේකම්තුමිය අතිපූජ්‍ය මැදගොඩ අභයතිස්ස හිමියන්ගේ ද ගෞරවනීය උපදෙස් සහිත ව පැහැදිලි වැඩපිළිවෙළක් ක්‍රියාවට නංවන්නට අපට හැකියාව ලැබී ඇති බැව් අමාත්‍යවරයා පැවසී ය. එමෙන් ම දරුවාගේ වැඩෙන මනසට සාරධර්ම එකතු කිරීම, ආධ්‍යාත්මික ව්‍යුහයක් තුළ අධ්‍යාපනය ලබා දීම, හොඳ-නරක, ජීවිතයට මුහුණ දෙන ආකාරය, අභියෝග ජය ගැනීම, චිරාත් කාලයක් ආරක්ෂා චාරිත්‍ර-වාරිත්‍ර දරුපරපුරට ලබා දීම පෙරපාසලෙන් සිදු විය යුත්තක් ලෙස තම රජය විශ්වාස කරන බව ද පැවසී ය.
එමෙන් ම ප්‍රතිපත්ති සාකසීමේ දී ආයතන කීපයකට කාර්ය භාර්යය පැවරීම නිසා සම්බන්ධීකරණයේ මතු වූ ගැටලු විසඳා ගන්නට රාජ්‍ය අමාත්‍යවරයා ඇතුළු පිරිස කැපවී ක්‍රියා කළ බව ද පැවසී ය.
