රටේ මානව සම්පත සංවර්ධනය කිරීමට දැවැන්ත දායකත්වයක් ලබා දෙන පෙරපාසල් ගුරුවරුන් ට සමජයේ නිසි ඇගයීමක් නොමැති බව අමාත්‍ය මණ්ඩලයේ මතය වී තිබෙන හෙයින් අධ්‍යාපන අමාත්‍යවරයා විසින් ඉදිරිපත් කරන ලද ගුරු අභිමානී ව්‍යාපෘතිය යටතේ ජූනි මාසයේ සිටම මාසයකට රුපියල් 2500 ක දීමනාවක් ලබා දීමට අමාත්‍ය මණ්ඩල අනුමැතිය හිමිව තිබෙන බව බලශක්ති අමාත්‍ය, සම කැබිනට් ප්‍රකාශක උදය ගම්මන්පිල මහතා කියා සිටියේය.
ඒ මහතා මේ බව කියා සිටියේ අද (01) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්‍ය හමුවේ දී ය.
මේ වන විට පෙරපාසල් ගුරුවරුන්ට රුපියල් 250 ක පමණ ගෙවන බවත්, ඔවුන්ට යම් නිශ්චිත පුහුණුවක් ලබා දීමටත්, එමෙන්ම, 2021 ජුනි මස පලවන දිනයේ සිට හඳුනාගත් නිර්ණායක මත පදනම් ව සුදුසු කම් මත පදනම් ව ගුරුවරු ගුරුවරියන් හට රුපියල් 2500 ක් ලබා දීමටත්, එහි පළමු අදියර ලෙස ගුරුවර ගුරුවරියන් 25,000 කට මෙම දීමනාව ලබා දීමට කටයුතු කරන බවත්, ඒ මහතා මෙහි දී ප්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
