නාඩු, සම්බා සහ කැකැළු සහල් මිල උත්සව සමයේ රු 100 ට වඩා අඩු මිලට ලබා දුන් බවත්, පාලනය කළ නොහැකි වූයේ කීරි සම්බා මිල පමණක් බවත් වෙළෙඳ අමාත්‍යවරයා අවධාරණය කළේය. පාර්ලිමේන්තු මන්ත්‍රී හේෂා විතානගේ මහතා ඇසූ ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කළේය.
කෘෂි කර්ම අමාත්‍යංශය හරහා ඉතා තරඟකාරී මිලට වී මිලදී ගැනීම් සිදු කළ බවත් සතොස සහ සමූපකාර ආයතන සඳහා සහල් මිල දී ගැනීම් සිදු වන්නේ කෘෂිකර්ම අමාත්‍යංශය හරහා බවත් පැහැදිළි කළ අමාත්‍යවරයා, මෙම රජය රාජ්‍ය හා පෞද්ගලික අංශ ආයතනවලට දන ගහන ආණ්ඩුවක් නොවේ යැයි ද පැවසීය.
පසුගිය ආණ්ඩුව විවිධ තර්ජන වලට බියෙන් වී මිලදී නොගත් බව සඳහන් කල අමාත්‍යවරයා රජය එවැනි තර්ජන වලට බිය නොවන බවද කීය.
