මැයි 16, 2021
tami eng youtube  twitter facebook

    අගමැති ඇතුළු පවුලේ සැම සුභ නැකතින් අවුරුදු චාරිත්‍ර ඉටු කරයි

    අප්‍රේල් 15, 2021

    සමස්ත රට වැසියන්ට සුබ අලුත් අවුරුද්දක් වේවා ! යැයි ප්‍රාර්ථනා කරමින් අග්‍රාමාත්‍ය මහින්ද රාජපක්ෂ මහතා, අග්‍රාමාත්‍ය ආර්යා ශිරන්ති රාජපක්ෂ මහත්මිය ඇතුළු පවුලේ සාමාජිකයෝ නැකතට කිරි උතුරවමින් තංගල්ල කාල්ටන් නිවසේ දී (14) දින අලුත් අවුරුදු නැකත් චාරිත්‍රවල නිරත වූහ.

    පළා පැහැති වස්ත්‍රාභරණයෙන් සැරසී නැගෙනහිර දිශාව බලා ආහාර පිසීම, වැඩ ඇල්ලීම, ගනුදෙනු කිරීම හා ආහාර අනුභවය කිරීමේ චාරිත්‍ර මෙලස අග්‍රාමාත්‍යතුමා ඇතුළු පවුලේ සාමජිකයෝ එක්ව ඉටු කළහ.

    අමාත්‍ය නාමල් රාජපක්ෂ සහ අග්‍රාමාත්‍ය කාර්ය මණ්ඩල ප්‍රධානී යෝෂිත රාජපක්ෂ පුතුන් මෙන්ම අග්‍රාමාත්‍යතුමාගේ මුනුපුරු කේෂර රාජපක්ෂ සහ ලේලිවරුන්වන ලිමිණි රාජපක්ෂ සහ නිතීෂා රාජපක්ෂ මහත්මීන් ද අවුරුදු නැකත් චාරිත්‍ර සමඟ එක්වූහ.

    සෞඛ්‍ය මාර්ගෝපදේශවලට යටත්ව එම මාර්ගෝපදේශයන්ට ගරු කරමින් අග්‍රාමාත්‍යතුමා ඇතුළු පවුලේ සාමාජිකයෝ මෙවර අලුත් අවුරුදු චාරිත්‍රවල නිරතවීම විශේෂත්වයකි. සිංහල දෙමළ අලුත් අවුරුද්ද සාමය සතුට හා සහජීවනයේ සංකේතයක් යැයි කී අග්‍රාමාත්‍යතුමා සමස්ත රට වැසියන්ටම නිරෝගිමත් සුබ අලුත් අවුරුද්දක් ප්‍රාර්ථනා කරන බව පැවසීය.

    කාල්ටන් නිවසට වැඩම කළ මහා සංඝරත්නය අග්‍රාමාත්‍යතුමා ඇතුළු පවුලේ සාමාජිකයන්ට සහ සමස්ත රට වැසියන්ට සෙත් පිරිත් සඡ්ජායනා කරමින් ආශිර්වාද එක් කළහ.

    මෙම අවස්ථාවට අග්‍රාමාත්‍යතුමා ඇතුළු පවුලේ සාමාජිකයන් සහ සමීපතයෝ පිරිසක් එක්ව සිටියහ.

     

     

     

     

     

     

     

     

     

     

    340x250

    නවතම පුවත්

    dgi log front

    electionR2sin

    recu

    Desathiya