උත්සව සමය වෙනුවෙන් අප්‍රේල් 09 වන දින සිට 20 දක්වා විශේෂ බස්රථ ධාවන සැලසුමක් ක්‍රියාවට නැංවෙන බව ශ්‍රී ලංකා ගමනාගමන මණ්ඩලයේ නියෝජ්‍ය සාමාන්‍යාධිකාරී (ධාවන) පණ්ඩුක ස්වර්ණහංස මහතා, රජයේ නිල පුවත් වෙබ් අඩවිය කළ විමසුමේ දී කියා සිටියේය.
සාමාන්‍ය ධාවන බස් රථ ඒ ආකාරයෙන්ම නියමිත පරිදි ක්‍රියාත්මක කෙරෙන අතර, උත්සව සමය ඇරඹෙන කාලවකවානුවේ දී සෞඛ්‍යාරක්ෂිතව මඟීන් සිය ගම්බිම් වලට ප්‍රවාහනය කිරීම සඳහා කිසිඳු ගැටලුවකින් තොරව අතිරේක බස් රථ දිනකට දෙසීයක් පමණ කොළඹ හා ඒ ආසන්න නගර වලට යෙදවෙන බවත්, මිට සමගාමී ව අප්‍රේල් 16 වන දිනට පසු නැවත කොළඹ පැමිණීමට ද විශේෂ බස් රථ සැලැස්මක් ක්‍රියාත්මක කෙරෙන බවත් ඒ මහතා වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
