ශ්‍රී ලංකාවේ දෙදින නිල රාජ්‍යතාන්ත්‍රික සංචාරයක නිරත වූ පාකිස්ථාන අග්‍රාමාත්‍ය ඉම්රාන් ඛාන් මහතාගේ සංචාරය පිළිබඳව සකස් කළ සමරු වීඩියෝ පටය (DVD ) සහ ඡායාරූප ඇල්බමයපාකිස්ථාන අග්‍රාමාත්‍යවරයා වෙත පිළිගැන්වීම අද (24) සවස කටුනායක බණ්ඩාරනායක අන්තර්ජාතික ගුවන්තොටුපලේ දී සිදු විය.
ජනමාධ්‍ය අමාත්‍ය කෙහෙළිය රඹුක්වැල්ල මහතාගේ සුරතින් මෙම සමරු ඇල්බමය සහ සංයුක්ත තැටිය ලබාදීම සිදු විය.
මේ අවස්ථාවට රජයේ ප්‍රවෘත්ති අධ්‍යක්ෂ ජනරල් නාලක කලුවැව මහතා ද එක්විය.
පකිස්ථාන අග්‍රාමාත්‍යවරයාගේ මෙරට සංචාරය ආරම්භ වූ අවස්ථාවේ සිට සිදූ සුවිශේෂී අවස්ථා සියල්ල ම කැටි කොට මෙම සුවිශේෂී මතක සැමරුම රජයේ ප්‍රවෘත්ති අධ්‍යක්ෂ ජනරාල් නාලක
කලුවැව මහතාගේ මඟපෙන්වීම මත රජයේ චිත්‍රපට අංශය සහ රජයේ ඡායාරූප අංශය මඟින් සකස් කොට තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
