ජනවාරි 21, 2021
tami eng youtube  twitter facebook

    මෙරට කොවිඩ් එන්නත ලබාදීමේ දි ලෝක සෞඛ්‍ය සංවිධානයේ නිර්ණායක යටතේ වැඩ බිම්වලට ද ලබාදෙන්න- කම්කරු අමාත්‍ය

    ජනවාරි 14, 2021

    ඉදිරියේ දි කොවිඩ් මර්දනය සදහා  මෙරට ජනතාවට කොවිඩ් මර්දන එන්නත ලබාදීමේ දී  ලෝක සෞඛ්‍ය සංවිධානයේ ප්‍රමිතීන් සහ නිර්ණායකයන් සැලකිල්ලට ගෙන ප්‍රමුඛතා ලැයිස්තු සැකසීම සුදුසු බවත්, අප රටේ ආර්ථිකය පවත්වා ගෙන  යාමේ දී   මෙරට වැඩකරන පන්තියේ ජනතාව දක්වන දායකත්වය සැලකිල්ලට ගනිමින්, එම ප්‍රමුඛතා ලැයිස්තු සැකසීමේ  දී වැඩකරන පන්තියේ ජනතාවටද ප්‍රමුඛත්වයක් ලබා දීම සුදුසු බව කම්කරු අමාත්‍ය නිමල් සිරිපාල ද සිල්වා මහතා පවසයි.


    එහි දී වැඩබිම් හා  කර්මාන්ත ශාලා වලට ද එම එන්නත ලබාදීමේ දී ලෝක සෞඛ්‍ය සංවිධානයේ  නිර්ණායක මත පිහිටා එම එන්නත ලබාදිය හැකි බව කම්කරු අමාත්‍ය නිමල් සිරිපාල ද සිල්වා මහතා පවසයි.අමාත්‍යවරයා මේ බව පෙන්වා දුන්නේ ලෝක සෞඛ්‍ය සංවිධානයේ ශ්‍රී ලංකාවේ නේවාසික නියෝජිත වෛද්‍ය රේසියා පෙන්ඩ්සේ (Dr.Razia Pendse) මහත්මිය (13)  කම්කරු අමාත්‍යාංශයේ දී අමාත්‍යවරයා  හමු වූ අවස්ථාවේදී ය.කොවිඩ් මර්දනය සඳහා වන ලෝක සෞඛ්‍ය සංවිධානයේ උපදේශක සභාවට පත්කර ඇති   එකම ශ්‍රී ලාංකික නියෝජිතයා වන වෛද්‍ය පාලිත අබේකෝන් මහතා ද මෙම අවස්ථාවට එක්විය .
    covid වසංගතයෙන් මේ රටේ වැඩකරන ජනතාව බේරා ගනිමින්, වැඩබිම් තුළ නිෂ්පාදන ක්‍රියාවලිය බිඳ වැටීමට ඉඩ නොතබා ශක්තිමත්ව  පවත්වා ගෙන යන වැඩ පිළිවෙළට සිය සම්පූර්ණ සහයෝගය ලබා දීමට කැමැත්තෙන් සිටින බව මෙහි දී ලෝක සෞඛ්‍ය සංවිධානයේ නියෝජිත වෛද්‍ය රේසියා පෙන්ඩ්සේ (Dr.Razia Pendse) පැවසුවාය.
    මෙම කෝවිඩ් මර්දන එන්නත ලබාදීම රජය මගින් දැනට මනා ලෙස ස්ථාපිත කර ඇති මෙරට සෞඛ්‍ය සේවා ජාලය ඔස්සේ සිදු කිරීම ඉතාමත් උචිත බවද රේසියා  මහත්මිය වැඩිදුරටත් පැවසුවාය.
    එහි දී අදහස් දැක් වූ අමාත්‍යවරයා කියා සිටියේ, කෝවිඩ් වසංගතය වැඩබිම්වල පැතිරයාම වැළැක්වීම සඳහා සහ කෝවිඩ් ආසාදනයට ලක් වන වැඩකරන ජනතාවට සහන සැලසීම සඳහා ගත යුතු ක්‍රියාමාර්ග  අධීක්ෂණය කිරීමට මේ වන විටත් සෑම වැඩබිමක සෞඛ්‍ය කමිටු පිහිටුවීම අනිවාර්ය හා අත්‍යවශ්‍ය කාරණයක් බවට රෙගුලාසි පනවා ඇති බවය.එම රෙගුලාසි ප්‍රකාරව අදාළ ක්‍රියාකාරකම් වැඩබිම් තුළ ක්‍රියාත්මක වන්නේ ද යන්න පසු විපරම් කිරීම සඳහා වෘත්තීය සමිති නියෝජිතයන් හා කම්කරු නිලධාරීන් කටයුතු කළ යුතු බවට ද උපදෙස් දී ඇතැයි අමාත්‍යවරයා මෙහි දී පෙන්වා දුන්නේය.
    කෝවිඩ් එන්නත බෙදා දීමේ දී විශේෂයෙන්ම ආදායම් අඩු ජන කොටස් සඳහා එය නොමිලේ ලබා දිය යුතු බවට ලෝක සෞඛ්‍ය සංවිධානය ගෙන ඇති තීරණය අගය කරන බව ද  අමාත්‍යවරයා ප්‍රකාශ කළේය . එසේම වැඩ කරන ජනතාවට මෙම එන්නත ලබාදීම සඳහා ගෙන යන ක්‍රියා මාර්ගයන් හි දී කම්කරු අමාත්‍යාංශය, කම්කරු දෙපාර්තමේන්තුව, හාම්පුතුන්ගේ සම්මේලනය හා වෘත්තිය සමිති යන සියලු අංශ පූර්ණ සහයෝගය ලබාදීම සඳහා සහතික වන  බව ද  ඇමතිවරයා  අවධාරණය කළේය.
     

    340x250

    නවතම පුවත්

    dgi log front

    electionR2sin

    recu

    Desathiya