පේදුරුතුඩුව කොට්ටට්ප් ප්‍රදේශයේ දියකඩනය හා ධීවර යාත්‍රා ගමන් කරන මාර්ගය මෑතකදී ඇති වු ස්වාභාවික ව්‍යසනය හේතුවෙන් විනාශ වී ඇති අතර මේ පිළිබඳව සොයා බැලීමට හා ඒ සදහා ගත යුතු ක්‍රියාමාර්ගයන් පිළිබදව එම ප්‍රදේශයේ අදාළ නිලධාරීන් සමග සාකච්ඡාවක් පැවැත්වීම සදහා ධීවර අමාත්‍ය ඩග්ලස් දේවානන්දා මහතා එම ප්‍රදේශයේ සංචාරයක නිරත විය.
පේදුරුතුඩුවේ පිහිටුවා ඇති ප්‍රදීපාගාරය අවට වාඩි ඉදිකිරීමට වෙරළ ආරක්ෂක ඒකකයේ අනුමැතිය ලබා ගත යුතු හෙයින් දැනට ඒ අවට වාඩි තනාගෙන ධීවර කටයුතු වල යෙදන ධීවරයන්ට ඒ සම්බන්ධයෙන් අදාල නිලධාරීන් සමග සාකච්ඡාවක් ලබා දීමට අමාත්‍යවරයා එම ධීවරයන් පොරොන්දු ලබා දුන් අතර පේදුරුතුඩු දේවාලයේ පැවති නත්තල් දේවමෙහෙය සදහාද අමාත්‍යවරයා සහභාගී විය.
මෙම අවස්ථාවට සදහා රාජ්‍ය නිලධාරීන් පිරිසක් සහභාගී විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
