සමාජ මාධ්‍ය වන මුහුණු පොත ඇතුලු අනෙකුත් සමාජ මාධ්‍ය ක්‍රම ඔස්සේ පිළිකා මර්ධනය හා වැලැක්වීම පිළිබද නිර්මාණාත්මක දැනුවත් කිරීමේ පණිවුඩ ජනතාව අතරට ගෙනයාම අරමුණු කර ගත් "ආයු +" ව්‍යාපෘතිය එළිදැක්වීම හෙට දින 14 දින පෙරවරු 10.00 ට නාරාහේන්පිට ජාතික රුධිර පාරවිලයන මධ්‍යස්ථානයේ දී සෞඛ්‍ය අමාත්‍ය පවිත්‍රා වන්නිආරච්චි මහත්මියගේ ප්‍රධානත්වයෙන් සිදු කිරීමට නියමිතය.
සමාජ මාධ්‍ය ඉලක්ක කරගත් මෙම ව්‍යාපෘතිය පිළිකා මර්ධනය හා පාලනය සදහා ගනු ලබන සුවිශේෂී පියවරක් වන අතර, තරුණ, මහලු හා සියලුම ජන කොටස් ඉතා කෙටි කලක් තුල දැනුවත් කිරීමේ පහසුව මෙමගින් ඇති වේ. එමෙන්ම ජනතාව තුල ආකල්ප වෙනසක් ඇති කරමින් නව ජීවන රටාවකට යොමු කරවීම හා නව චින්තනයක් ඇතිකරවීම කෙරෙහි අවධානය යොමු කරවන බව ද සෞඛ්‍ය අමාත්‍යාංශයේ ජාතික පිළිකා මර්දන වැඩසටහන පෙන්වා දෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
