මාර්තු 29, 2024
tami eng youtube  twitter facebook

    sinhala

    ඕනෑම පනතක් සම්මත වෙන්නේ ප්‍රජාතන්ත්‍රවාදී රාමුවකයි - අමාත්‍ය කෙහෙළිය රඹුක්වැල්ල

    සැප්තැම්බර් 11, 2020

    ඕනෑම පනතක් සම්මත වීම සිදුවන්නේ ප්‍රජාතන්ත්‍රවාදී රාමුවක බව කැබිනට් ප්‍රකාශක ජනමාධ්‍ය අමාත්‍ය කෙහෙළිය රඹුක්වැල්ල මහතා ප්‍රකාශ කළේය.

    අමාත්‍යවරයා මේ බව පැවසුවේ ඊයේ දින (10) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේදී මාධ්‍යවේදියෙකු විසින් විපක්ෂ නායක සජිත් ප්‍රේමදාස මහතා 20 වන ව්‍යවස්ථා සංශෝධනය සම්මත කරගැනීමට තුනෙන් දෙකක් ලබාගැනීමට ආණ්ඩුවට ඉඩ නොදෙන බවට කර ඇති ප්‍රකාශය සම්බන්ධව විමසීමේදී එයට පිළිතුරු ලබාදෙමිනි.

    අමාත්‍යවරයා කියා සිටියේ, ඕනෑම පනතක් සම්මත වීමේදී එම පනත සම්මත වීමට පෙර මෙවැනි කතා දේශපාලන ක්ෂේත්‍රයේ විවිධ අවස්ථා වල අසා ඇති බවත්, අවසන් තීන්දුව ප්‍රජාතන්ත්‍රවාදීව නියෝජ්‍ය ප්‍රජාතන්ත්‍රවාදී ලෙස 225 ම මතවාදයත්, එයින් එයින් ව්‍යවස්ථානුකූලව පවතින තුනෙන් දෙක එනම් 150ට අධික බව ලබාගැනීමට ඇති හැකියාව පාර්ලිමේන්තු ක්‍රියාදාමය වන බවයි.

    විපක්ෂයේ භූමිකාව අනූව විපක්ෂ නායකවරයා එසේ කීම සම්බන්ධව කිසිදු ප්‍රශ්නයක් නොමැති බවත්, එය ප්‍රජාතන්ත්‍රවාදය සහතික කිරීමේ ලක්ෂණයක් පමණක් වන බවත් අමාත්‍යවරයා වැඩිදුරටත් අවධාරණය කළේය.

    තුනෙන් දෙක ආ පසු එවැනි සාකච්ඡා නිරන්තරයෙන් පාර්ලිමේන්තුව තුළ ඇති වී ඇති බව පවසමින් එයට උදාහරණයක් සිහිපත් කළ අමාත්‍යවරයා පැවසුවේ, පළාත් සභා පනත ගෙන එන අවස්ථාවේදී තුනෙන් දෙකක් අවශ්‍ය නොවැනි බවට මතවාදයක් පැමිණි බවත් එහිදී තමන් ඇතුළු මන්ත්‍රීවරුන් පිරිස විපක්ෂය නියෝජනය කරමින් තුනෙන් දෙකක් අවශ්‍ය බව දිගින් දිගටම කතානායකගෙන් ඉල්ලා සිටි බවත් පැවසුවේය.

    තුනෙන් දෙකක් නොමැති වෙලාවක වෙනත් ක්‍රමයකින් තුනෙන් දෙකට අවශ්‍ය වගන්ති ඉවත් කර පනත් සම්මත වී ඇති බවත් එය සාමාන්‍ය පාර්ලිමේන්තු ක්‍රියාදාමය බවත් ජනමාධ්‍ය අමාත්‍යවරයා සිහිපත් කළේය.

    340x250

    නවතම පුවත්

    dgi log front

    electionR2sin

    recu

    Desathiya