කොවිඩ් 19 ඇඳිරිනීතිය පැවති අප්‍රේල් සහ මැයි මාසවල විදුලිබිල වැඩිවී ඇතැයි මහජනතාවගෙන් ලැබුණු පැමිණිලි මත ඒ සම්බන්ධව සොයා බැලීම සඳහා විදුලිබල හා බලශක්ති අමාත්‍ය මහින්ද අමරවිර මහතා විසින් පසුගිය සතියේ පංච පුද්ගල කමිටුවක් පත් කරනු ලැබීය.
එම කමිටු වාර්තාව අද (07) දින පෙරවරුවේ කමිටු සභාපති අතිරේක ලේකම් හේමන්ත සමරකෝන් මහතා විසින් අමාත්‍යවරයා වෙත භාරදෙනු ලැබු බව විදුලි බල හා බලශක්ති අමාත්‍යාංශය නිවේදනයක් නිකුත් කරමින් සඳහන් කරයි.
විදුලි බිලට සහන ලබාදීම සම්බන්ධව කරුණු ගණනාවක් මෙම කමිටු වාර්තාවට ඇතුළත් කර ඇති අතර හෙට (08) දින පැවැත්වෙන අමාත්‍ය මණ්ඩලය වෙත එම කමිටු වාර්තාව ඉදිරිපත් කරනු ලබන බවත්, ඉන් අනතුරුව එහි නිර්දේශ සම්බන්ධව අමාත්‍ය මණ්ඩල තීරණය අනුව ඉදිරි කටයුතු කරනු ලබන බවත් අමාත්‍ය මහින්ද අමරවීර මහතා සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
