පසුගිය වසරේ දී ඩෙංගු රෝගය වැළඳීම හේතුවෙන් මෙරට ජිවිතක්ෂයට පත් වූ සංඛ්‍යාව 150 ක් වන අතර දැනට මෙම වර්ෂයේ දී 20 දෙනකු පමණ ජිවිතක්ෂයට පත් වී ඇත.
ඩෙංගු රෝග මර්දනය සදහා ජනාධිපතිතුමාගේ උපදෙස් මත සෞඛ්‍ය අමාත්‍යංශය මඟින් කාර්යය සාධක බලකයක් පිහිටුවා ඇති අතර ඉතාමත් වගකීමකින් යුතු ව ඩෙංගු රෝගය ද පැතිරීම වැලක්වීම සදහා කටයුතු කරන බව ද අමාත්‍යවරිය එහි දී ප්‍රකාශ කළාය.
COVID -19 රෝගය පැතිරීම වැලැක්වීම ජනතාව ලබා දුන් සහයෝගය ඩෙංගු රෝගය මර්දනය කිරීම උදෙසා ද ලබා දිය යුතු බවත්, අධික උණ පවතින්නේ නම් එය ඩෙංගු රෝගයේ ලක්ෂණයක් විය හැකි බැවින් තමන් ජිවත් වන දිස්ත්‍රික්කයට අදාළ ව තිබෙන ප්‍රධාන රෝහල වෙත ප්‍රතිකාර සදහා යොමු වෙන ලෙසත්, පවත්නා වැසි සහිත
කාලගුණ තත්ත්වය මත ජීවත්වන පරිසරය , පොදු ගොඩනැඟිලි,ඉදිකිරීම් පරිශ්‍ර ආදිය පිරිසිදු කොට ඩෙංගු මදුරු කීටයන් බෝවීමට හේතු වන වතුර රැඳෙන ස්ථාන ඉවත් කිරීමට කටයුතු කරන ලෙසත් අමාත්‍යවරිය මෙහි දී වැඩිදුරටත් සඳහන් කළාය.
