කොරොනා වෛරසයේ තර්ජනය හේතුවෙන් සියලු ජනතාව නිවාසවලට වී සිටින්නැයි රජය ඉල්ලීමක් කර තිබේ. ඒ අනුව රටේ ජනතාව නිවාස වල රැදෙමින් මේ වනවිට විවිධ ක්‍රියාකරකම්වල යෙදී සිටියි. රටේ නායකත්වයෙන් සිට පුරවැසියා දක්වා එකම නීතියක් ක්‍රියාත්මක වන අවස්ථාවක අග්‍රාමාත්‍ය මහින්ද රාජපක්ෂ මහතා ගෙවතු වගාවට ආදර්ශයක් ලබාදෙමින් පැලයක් රෝපණය කිරීමට කටයුතු කළේ ය.
ඒ පිළිබඳව සිය නිල මුහුණ පොතේ සටහනක් තබමින් පවසා ඇත්තේ මෙවැන්නකි.
'''#HomeGardenChallenge සඳහා ශිරන්ති සහ මම සහභාගීවන්නේ දැඩි කැමැත්තකින්.
කොරෝනා වසංගතය සමස්ත ලෝකයම අර්බුදයකට ඇද දමා,අනාගත පරම්පරාවන්ට වඩාත් තිරසාර ජීවන රටාවක් අනුගමනය කිරීමේ අවශ්‍යතාවය ද උගන්වා ඇත.
ඒ සදහා සෑම පුද්ගලයෙකුටම වෙන්වු කාර්යභාරය ඇති අතර එය ඉටු කිරීමට මම ඔබව ධෛර්යමත් කරමි.''
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
