එලෙස බෙහෙත් ලබා ගැනීමේ දී යම් ප්‍රමාදයක් සිදු වුවහොත් තමන් බෙහෙත් ගන්නා රෝහල් වලට දැනුම් දීමට හැකි බවත්, සායනික අංකය අදාළ තොරතුරු එම රෝහලට ලබා දීම මඟින් අදාළ අතපසුවීම් පිලිබඳ තොරතුරු ලබා ගත හැකි බවත්, ප්‍රදේශයේ පවුල් සෞඛ්‍ය සේවිකාව හෝ මහජන පරීක්ෂකවරයාගෙන් අදාළ රෝහලේ දුරකථන අංක ලබා ගත හැකි බවත් අමාත්‍යවරිය මෙහි දී ප්‍රකාශ කර සිටියාය.
ඒ අනුව, පෞද්ගලික ඔසුහල් වලින් බෙහෙත් ගන්නා රෝගීන් ට එම බෙහෙත් ලබා ගැනීමේ දී එම ඔසුසල් viber හෝ whatsup හෝ imo හරහා බෙහෙත් තුණ්ඩුවේ ඡායාරූපයක් යැවීමට කටයුතු කිරීම මඟින් නිවෙසටම බෙහෙත් ලබා ගත හැකි බවත්, 900 ක පමණ ඔසුසල් දිවයින පුරා විවෘත වන බවත්, එලෙස ඔසුසල් විවෘත වන්නේ ඔබේ නිවෙසට බෙහෙත් ලබා දීම සඳහා පමණක් බවත් මෙහි දී අමාත්‍යවරිය අවධාරණය කර සිටියාය.
ජනතාවගේ සමාජ දුරස්ථභාවය අවම කිරීම අරමුණු කරගනිමින් රජය විසින් කරනු ලබන මෙම ක්‍රියාවලින් සඳහා ජනතාව සහයෝගය දැක විය යුතු බවත්, පිරිසිදුව, වගකීමක් සහිතව සෞඛ්‍ය නිළධාරීන් මෙම කර්තව්‍ය සිදු කරනු ලබන බවත්, රෝගීන් කිසිඳු විටක බියක් ඇති කර නොගත යුතු බවත් මෙහි දී සඳහන් කර සිටි වන්නිආරච්චි මහත්මිය වැඩිදුරටත් ප්‍රකාශ කර සිටියේ, නිවෙස් වලට තැපැල් දෙපාර්තමේන්තුවේ නිළධාරීන් මඟින් බෙහෙත් ලබා දීම සඳහා රජයේ රෝහල් මේ වන විට සූදානම් ව ඇති බවත්, රෝගීන්ගේ සියලු තොරතුරු රෝහල් වල ඇති හෙයින් මාසයකට අවශ්‍ය බෙහෙත් ලබා දීමට කටයුතු කරන බව ද සඳහන් කර සිටියාය.
