ශ්‍රී ලංකා යුධ හමුදාව විසින් පවත්වාගෙන යනු ලබන පුනානි, කන්දකාඩු හා දියතලාව පිහිටි නිරෝධායන මධ්‍යස්ථාන වලින් 223 ක් දින 14 ක කාලය සම්පූර්ණ කිරීමෙන් අනතුරුව වෛද්‍යවරුන්ගේ උපදෙස් මත ඊයේ (26) මුදා හැරීම සිදු වූ බව යුද හමුදාපති ලුතිනන් ජනරාල් ශවේන්ද්‍ර සිල්වා මහතා (26) COVID – 19 පැතිරීම වැළක්වීමේ ජාතික ක්‍රියාන්විත මධ්‍යස්ථානයේ දී විශේෂ ප්‍රකාශයක් නිකුත් කරමින් පැවසීය.
ඒ අනුව, ඔවුන්හට තවදුරටත් ස්වයංව නිරෝධායනය වී නිවෙස් තුළ තවත් දින 14 ක් රැඳී සිටින ලෙස උපදෙස් දී මෙලෙස මුදා හැර ඇති බව එම නිවේදනය මඟින් වැඩි දුරටත් සඳහන් කළේ ය.
මේ වන විට නිරෝධායන මධ්‍යස්ථාන වලින් තම නිරෝධායන කටයුතු නිමවීමෙන් පසු නික්ම ගිය මුළු පිරිස 678 දෙනකු බවත්, නිරෝධායන මධ්‍යස්ථාන 46 ක් යටතේ 2,866 දෙනකු තවදුරටත් නිරෝධායනය වෙමින් පවතින බවත්, එම පිරිස අතරින් 443 දෙනකු ද අද දිනයේ දී මුදා හැරීමට නියමිත බවත් යුද හමුදාපතිවරයා ප්‍රකාශ කර සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
