ලංකා ගමනාගමන මණ්ඩලයේ විෂමාචර සහ එහි කටයුතු සම්බන්ධයෙන් එල්ලවී ඇති චෝදනා සඳහා සති දෙකක් ඇතුළත කමිටුවක් පත් කර එහි වාර්තාව තමා වෙත ලබා දෙන ලෙස ප්‍රවාහන ඇමති මහින්ද අමරවිර මහතා ඊයේ (22) දිනයේ දි පුවාහන අමාත්‍යාංශයට නියෝග කර ඇතැයි එම අමාත්‍යාංශය නිවේදනයක් නිකුත් කරමින් සඳහන් කරයි.
ඒ අනුව මෙම කමිටුවේ සභාපතිවරයා ලෙස ප්‍රවාහණ අමාත්‍යංශයේ අතිරේක ලේකම් ( සැලසුම්) තිලකරත්න බණ්ඩා මහතාත්, සෙසු සාමාජිකයින් වශයෙන් ජ්‍යෙෂ්ඨ සහකාර ලේකම් නයෝමි ජයවර්ධන මිය, නීති නිලධාරිනී ප්‍රියන්ති ගුණසේකර මිය හා අභ්‍යන්තර විගණන නිලධාරි වී. කේ. එච්. කෝලිත මහතා යන අය පත් කිරීමට අමාත්‍යාංශයේ ලේකම්වරයා විසින් පියවර ගෙන තිබේ.
මෙම කමිටුව විසින් ශ්‍රී ලංකා ගමනාගමන මණ්ඩලය හා ඒ යටතේ ඇති ඩිපෝවල කටයුතු සම්බන්ධයෙන් එල්ල වී ඇති චෝදනා මෙන්ම මහජන පැමිණිලි විමර්ශනය කර සති දෙකක් තුළ අදාළ වාර්තාව ලබා දිය යුතුය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
