මහවැලි ජනතාවගේ ගැටළු රැසක් එම අවස්ථාවේ දී ම විසඳීමට හැකි වූ ශ්‍රී ලංකා මහවැලි අධිකාරියේ පළාත් දිනය මහවැලි සංවර්ධන රාජ්‍ය අමාත්‍ය රොෂාන් රණසිංහ මහතාගේ ප්‍රධානත්වයෙන් මනම්පිටිය ප්‍රතිභා ශාලාවේ දී (16) පැවත්විණි. ඒ සඳහා ශ්‍රී ලංකා මහවැලි අධිකාරියේ එක් එක් විෂය ක්ෂේත්‍රයන්ට සම්බන්ධ සියළු නිළධාරින් සහභාගි වීය.
මහවැලි ‘බී’ කලාපයේ ජනපදිකයන් අතර ඇති මහවැලිය සම්බන්ධ ගැටළු ජංගම සේවයක් ලෙස ක්‍රියාත්මක වී කඩිනම් ව විසඳා දීම මෙම පළාත් දිනය පැවැත්වීමේ අරමුණ වී තිබේ.
එහි දී මහවැලි ජනතාවගේ ගැටළු රැසක් එම අවස්ථාවේ දී ම විසඳීමට හැකි වූ අතර එලෙස එම අවස්ථාවේ දී විසදීමට නොහැකි වූ ගැටළු මාස දෙකක් ඇතුළත විසඳා දීමට කටයුතු කරන ලෙස රාජ්‍ය අමාත්‍යවරයා අදාළ නිළධාරින්ට උපදෙස් දී ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
