බණ්ඩාරවෙල නගරය අලංකාර කිරීම සදහා විශ්ව විද්‍යාල සිසු සිසුවියන් පාසල් සිසුන් හා තරුණ තරුණියන් එක්ව බණ්ඩාරවෙල බස් නැවතුම් පොළේ සිතුවම් අදිනු දැක බලා ගැනීමට හා ඔවුන් දිරිමත් කිරීම සදහා අධිකරණ මානව හිමිකම් හා නීති ප්‍රතිසංස්කරණ ඇමති නිමල් සිරිපාල ද සිල්වා ඊයේ (7) එක් විය.
එහිදි විශ්ව විද්‍යාල සිසු සිසුවියන් පාසල් සිසුන් හා තරුණ තරුණියන් චිත්‍ර අදිනු ලබන ස්ථානයට පැමිණි අමාත්‍යවරයා ඔවුන් සමග සුහද කථාබහක නිරත වුනු අතර ඔවුන් කරනු ලබන කාර්යයන් ඇගයීමට ලක් කරමින් දිරි ගැන්වීම සිදු කළේය.
ඔවුන්ට අවශ්‍ය යම් සහායක් අවශ්‍යව පවතින්නේ නම් එය ලබා දෙන බව ද සදහන් කළේය.මෙම අවස්ථාවට ඌව පළාත් සභාවේ හිටපු සභානායක මේජර් සුදර්ශන දෙනිපිටිය මහතා අතුළු පිරිසක් එක් විය..
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
