ස්විස් තානාපති කාර්යාල සේවිකාව පිළිබඳ සිද්ධිය සම්බන්ධයෙන් පූර්ණ ලෙස රහස් පොලීසිය විසින් පැහැදිළි හා විනිවිද පෙනෙන ආකාරයේ පරීක්ෂණයක් සිදු කරන බව සම කැබිනට් මාධ්‍ය ප්‍රකාශක,අමාත්‍ය බන්දුල ගුණවර්ධන මහතා පවසයි.
අද (05) රජයේ ප්‍රවෘත්ති දෙපාර්තමේන්තුවේ පැවැති කැබිනට් තීරණ දැනුම් දීමේ මාධ්‍ය හමුවේ දී අමාත්‍යවරයා මෙසේ පැවසීය.
විදේශ කටයුතු අමාත්‍යවරය සියලු තානාපතිවරු දැනුවත් කර තිබුණා. අධිකරණය යම් යම් කරුණු වාර්තා කර තිබුණා.අධිකරණ නියෝග්ග හා නීතිය අනුව රටේ ගෞරවය ආරක්ෂා වීම සඳහා අපක්ෂපාතී පරීක්ෂණයක් සිදු කරනවා යැයි ද අමාත්‍යවරයා පැවසීය.
ස්විස් තානාපති කාර්යාල සේවිකාව පිළිබඳ සිද්ධිය පිළිබඳව ජනමාධ්‍යවේදීන් අමාත්‍යවරයාගෙන් කළ විමසීමට පිළිතුරු දෙමින් අමාත්‍යවරයා මේ බව කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
