දකුණු පළාතේ එකලොස්වැනි ආණ්ඩුකාරවරයා වශයෙන් ආචාර්ය විලි ගමගේ මහතා පසුගිය (25) දින පෙරවරුවේ පළාත් ආණ්ඩුකාර ලේකම් කාර්යාලයේදී නිල වශයෙන් වැඩ භාර ගැනිම සිදු කළේය.
පසුගියදා ජනාධිපතිතුමන් ඉදිරියේ ආණ්ඩුකාරධුරයේ දිවුරුම් දුන් විලී ගමගේ මහතා දශක 4කට වැඩි කාලයක් විවිධ ක්ෂේත්‍රයන්හි වෘත්තිය අත්දැකිම් ඇති අයෙකු වේ. රජරට විශ්ව විද්‍යාලයෙන් ආචාර්ය උපාධිය හිමිකර ගත් ඒ මහතා රාජ්‍ය පරිපාලන සේවයේ ද, වෘත්තිකයෙකු වේ.
නව ආණ්ඩුකාරධුරයේ වැඩ භාර ගැනිමේ අවස්ථාව සඳහා අමාත්‍ය ඩලස් අලහප්පෙරුම, පාර්ලිමේන්තු මන්ත්‍රිවරුන් වන මහින්ද යාපා අබේවර්ධන මහතා, කංචන විජේසේකර මහතා ඇතුලු මහජන නියෝජිතයින් පිරිසක් ද එක් ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
