යාපනය සහ චෙන්නායි අතර ගුවන් ගමන් ආරම්භ කරමින් ෆිට්ස් එයාර් පෞද්ගලික ගුවන් සමාගමට අයත් යානයක් අද(08) පෙරවරුවේ යාපනය ජාත්‍යන්තර ගුවන් තොටුපළේ සිට චෙන්නායි බලා පරීක්ෂණ චාරිකාවක නිරත වූ බව සිවිල් ගුවන්සේවා අධිකාරියේ අධ්‍යක්ෂ ජනරාල් එච්.එම්.සී නිමල්සිරි මහතා රජයේ නිල පුවත් වෙබ් අඩවියට පැවැසීය.
ඉන්පසු ලබන සදුදා (11) සිට එම සමාගමේ ගුවන් යානා චෙන්නායි සහ ට්‍රිචි යන නගරවලට වාණිජ වශයෙන් ගුවන් ගමන් අරඹනු ඇත.
මේ අතර ඉන්දියාවට අයත් “එලයන්ස් එයාර්” සමාගමේ ගුවන් යානාද සදුදා (11) සිට චෙන්නායි බලා වාණිජ ගුවන් ගමන් අරඹන බව එම සමාගම පවසයි.
තම සමාගමට අයත් 91101 දරණ යානය පෙරවරු 10.35 ට චෙන්නායි හි සිට පිටත්ව පස්වරු 12 ට යාපනයට ළගාවන අතර එය 91102 යානය වශයෙන් පස්වරු 12.45 ට යළි ගමන් කිරීම අරඹා පස්වරු 2.10 ට චෙන්නායි ජාත්‍යන්තර ගුවන් තොටුපොළට ළගාවීමට නියමිත බවද එලයන්ස් එයාර් ගුවන් සමාගම නිවේදනය කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
