ශ්‍රී ලංකා රජය සහ ඕස්ට්‍රේලියානු රජය අතර භූ විද්‍යා ඛනිජ ක්ෂේත්‍රවලට අදාළව දෙපාර්ශවයටම අන්‍යොන්‍ය ප්‍රතිලාභයන් අත් කර ගැනීම සඳහා දැනුම හුවමාරු කර ගැනීමේ අවබෝධතා ගිවිසුමකට කැන්බරාහි පිහිටි ඕස්ට්‍රේලියානු විදේශ කටයුතු හා වෙළෙඳ දෙපාර්තමේන්තුවේදී පසුගියදා අත්සන් තැබිණි.
මෙම ගිවිසුමට භූ විද්‍යා සමීක්ෂණ හා පතල් කාර්යාංශයේ සභාපති අසේල ඉද්දවෙල මහතා සහ ඕස්ට්‍රේලියානු භූ විද්‍යා ආයතනය වෙනුවෙන් එහි ප්‍රධාන විධායක නිලධාරී ආචාර්ය ජේම්ස් පොන්සන් යන මහත්වරු අත්සන් තැබූහ. ඕස්ට්‍රේලියාවේ ශ්‍රී ලංකා මහ කොමසාරිස් ජනාධිපති නීතිඥ ජේ.සී. වැලිඅමුණ, භූ විද්‍යා සමීක්ෂණ හා පතල් කාර්යාංශයේ ජ්‍යෙෂ්ඨ අධ්‍යක්ෂ (භූ විද්‍යා) උදය ද සිල්වා යන මහත්වරුද මෙම අවස්ථාවට සහභාගීී වූහ.
මෙම අවබෝධතා ගිවිසුමට (05) පැවැති අමාත්‍ය මණ්ඩල රැස්වීමේදී අනුමැතිය ලැබී ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
