මේ දිනවල තමාට හා තම අමාත්‍යාංශයට එල්ල වි ඇති චෝදනාවට පිළිතුරු දෙමින් ඒ මහතා පැවසුවේ, මැතිවරණයක් ප්‍රකාශයට පත් වුවද සිදු කරන සංවර්ධන වැඩපිළිවෙල අතර මඟ නතර කල නොහැකි බවයි.කෙසේ වුවද,ජනධිපතිවරණය පැවැත්වෙන නොවැම්බර් 16 වෙනිදායින් පසුව මෙම සියලු ම ව්‍යාපෘති පෙර පරිදි ම ක්‍රියාත්මක වන බවත් අමාත්‍යවරයා කීය.
එසේම ජනාධිපතිවරණය පැවැත්වුව ද කැබිනට් මණ්ඩලය විසිරුවා හැර නොමැති බවත්,මේ ආණ්ඩුව ලබන අගෝස්තු වන තෙක් බලයේ සිටින බවත් පැවසු ඇමතිවරයා,තම අමාත්‍යාංශය මඟින් සිදු කරන මේ සියලු ම සංවර්ධන කටයුතු නිත්‍යනුකුලව සිදු කරන බව ද සඳහන් කළේය.
එසේම ඇල්පිටියේ ඡන්දය හේතුවෙන් එම ප්‍රදේශයට ලබා දිමට තිබු සමාද්ධි හිමිකම් සහතික පත් ද මැතිවරණ කොමිසම කළ නියෝගය හේතුවෙන් නවතා දමා තිබු අතර එය ද ජනාධිපතිවරණයෙන් පසුව ලබා දිමට කටයුතු කරන බව ද ඇමතිවරයා පැවසිය.
එසේම ලංකාවේ සමෘද්ධි බැංකු 1073ක් තිබෙන අතර සියලු ම සමෘද්ධි බැංකු නොවැම්බර් මාසය අවසන් විමට පෙර පරිගණක ගත කිරීමට තමා බලාපොරොත්තු වන බව ඇමතිවරයා වැඩිදුරටත් කීය.
මේ සියලු ම සංවර්ධන හා සුබසාධන වැඩ කරන්නේ පාට,පක්ෂ භේදයකින් තොරව බව පැවසු ඇමතිවරයා, මෙම වැඩසටහන් කරගෙන යැමට ඉඩ දෙන ලෙස ද ඉල්ලා සිටියේ ය.
