ජනාධිපතිවරණයෙහි තැපැල් ඡුන්ද පත‍්‍රිකා දිස්ත‍්‍රික් මැතිවරණ කාර්යාල හරහා තැපැල් කාර්යාල වෙත බෙදා හැරීම අද (18) ආරම්භ කළ බව මැතිවරණ කොමිෂන් සභාවේ අධ්‍යක්‍ෂ (සැලසුම්) චන්න පී. ද සිල්වා මහතා රජයේ නිල පුවත් වෙබ් අඩවියට පැවසීය.
දිවයින පුරා සහතික කිරීමේ නිලධාරීන්හට ඔක්තෝබර් 25 වන දිනට පෙර තැපැල් ඡන්ද පත‍්‍රිකා ලබා දීමට කටයුතු කරන බව ඒ මහතා වැඩි දුරටත් පැවසීය.
මෙවර ජනාධිපතිවරණයට අදාළ තැපැල් ඡන්ද ප‍්‍රකාශයට පත් කිරීම ඔක්තෝබර් 31 හා නොවැම්බර් 01 වන දිනයන්හි දී පැවැත්වෙන අතර මෙවර තැපැල් ඡන්දය ප‍්‍රකාශයට පත් කිරීමට අයදුම්කරුවන් 6,59,317 ක් සුදුසුකම් ලබා තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
