ජනාධිපතිවරණ පනත මඟින් දක්වා ඇති අන්දමට මේ සඳහා එක අපේක්ෂකයෙකුට විනාඩි 15 ක් බැඟින් අවස්ථා 03 ක දී සිය අදහස් ජාතික රූපවාහිනියෙන් හා ගුවන්විදුලි සංස්ථාව මඟින් ප්‍රචාරණය කරවා ගත හැකිය.
එහෙත්, මෙහි දී වෙනත් අපේක්ෂකයෙකු ප්‍රවර්ධනය වන අයුරින් කතා කිරීම,වෛරී සහගත ප්‍රකාශ කිරීම, තම කතාව වෙනත් කෙනකු ලවා කරවීම සම්පුර්ණයෙන්ම තහනම් බව මැතිවරණ කොමිෂන් සභාව කියයි.
සෑම අපේක්ෂකයෙකුම ඔවුන්ගේ කතා විකාශය වීමට නියමිත වේලාවට වඩා පැය 03 කට කලින් පටිගත කළ යුතු වන අතර පිටතින් පටිගත කරගෙන එන කතා පැය 24 ක ට පෙර අදාළ සංස්ථාවලට භාර දිය යුතු යැයි මැතිවරණ කොමිෂන් සභාවේ සැළසුම් අධ්‍යක්‍ෂ චන්න පී. ද සිල්වා මහතා රජයේ නිල පුවත් වෙබ් අඩවියට පැවසීය.
