ඉහළ ගුණාත්මකභාවය සහ තරගකාරිත්වය ඉහළ නැංවීම මෙන්ම කාර්යසාධන විශිෂ්ටත්වය අගයමින් රාජ්‍ය හා පෞද්ගලික අංශවල මහා පරිමාණ, මාධ්‍ය පරිමාණ හා සුථ පරිමාණ ව්‍යවසායකයන් වෙනුවෙන් විද්‍යා, තාක්ෂණ හා පර්යේෂණ අමාත්‍යාංශය යටතේ පවතින ශ්‍රී ලංකා ප්‍රමිති ආයතනය මගින් වාර්ෂිකව මෙම සම්මාන උලෙළ සංවිධානය කරනු ලබයි.
2017/2018 වර්ෂවලට අදාළව ඉහළ ප්‍රමිතිගත සේවාවක් සපයන ලද මධ්‍ය පරිමාණ හා මහ පරිමාණ නිෂ්පාදන හා සේවා වෙනුවෙන් ජයග්‍රාහක ආයතන වෙත සම්මාන පිරිනැමීම මෙහිදී ජනාධිපතිතුමා අතින් සිදු විය.
ජාතික තත්ත්ව ප්‍රතිපත්තිය අමාත්‍ය සුජීව සේනසිංහ මහතා විසින් ජනාධිපතිතුමා වෙත පිළිගැන්වීය.
පාර්ලිමේන්තු මන්ත්‍රී තිලංග සුමතිපාල, විද්‍යා, තාක්ෂණ හා පර්යේෂණ අමාත්‍යාංශයේ ලේකම් චින්තක ලොකුහෙට්ටි, ශ්‍රී ලංකා ප්‍රමිති ආයතනයේ සභාපති ෆර්මාන් ජේ. කාසීම්, අධ්‍යක්ෂ ජනරාල් ආචාර්ය සිද්ධිකා සේනාරත්න යන මහත්ම මහත්මීන් ඇතුථ පිරිසක් මෙම අවස්ථාවට එක්ව සිටියහ
