මෙම රෝහලෙහි මධ්‍යම වායු සමීකරණය පද්ධතිය අක්‍රීයවීම මත පසුගිය 07දා සිට ශල්‍යාගාර 06 ම වසා දැමීමට සිදු ව ඇති අතර මින් රෝගීන්ට දැඩි අපහසුතාවකට පත් වීමට සිදුව තිබිණි.
වසර 20ක් පමණ පැරණි මධ්‍යම වායු සමීකරණය පද්ධතිය දිගින් දිගටම අක්‍රීයවීම සම්බන්ධයෙන් රෝහලෙහි පවතින තත්ත්වය පිළිබඳව සෞඛ්‍ය අමාත්‍යවරයාගේ විශේෂ අවධානයට යොමුවීමෙන් පසුව නව වායුසමීකරණ පද්ධතියක් සවිකිරීම පිණිස ඊයේ (08) ප්‍රතිපාදන ලබාදීමට පියවර ගෙන ඇති බව ගම්පහ රෝහල් අධ්‍යක්ෂ වෛද්‍ය සමන් පතිරණ මහතා පැවසීය.
මේ අනුව බස්නාහිර පළාත් සභාවේ ප්‍රධාන ලේකම් කාර්යාලය මගින් වායුසමීකරණ පද්ධතිය මිලදී ගැනීම, ප්‍රසම්පාදනය ක්‍රියාවලිය යටතේ සිදු කරනු ඇති බව ද රෝහල් අධ්‍යක්ෂවරයා වැඩිදුරටත් සඳහන් කළේය.
DMU-Gampaha
