ජාතික ප්‍රතිපත්ති, ආර්ථික කටයුතු, නැවත පදිංචිකිරීම් හා පුනරුත්තාපන, උතුරු පළාත් සංවර්ධන, වෘත්තිය පුහුණු හා නිපුණතා සංවර්ධන සහ යෞවන කටයුතු අමාත්‍යංශය මගින් ක්‍රියාත්මක කර ඇති මෙම වැඩසටහන යටතේ දිවයින පුරා රැකියා විරහිත උපාධිධාරින් 16, 800 ක් අභ්‍යාසලාභී පුහුණු නිලධාරීන් ලෙස අලුතින් පත්වීම් ලබාදීමේ සමාරම්භක උත්සවය 2019 ජුලි 30 වැනිදා අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් අරලිය ගහ මන්දිරයේ දී පැවැත්වු අතර එයට සමගාමිව දිස්ත්‍රික් මට්ටමින් මෙම උත්සවය සංවිධානය විය.

මේ යටතේ නුවරඑළිය ප්‍රාදේශිය ලේකම් කොට්ඨාශයට පත්වීම් 21 ක්, හගුරන්කේත ප්‍රාදේශිය ලේකම් කොට්ඨාශයට පත්වීම් 90 ක්. අඹගමුව ප්‍රාදේශිය ලේකම් කොට්ඨාශයට පත්වීම් 25 ක් සහ වලපනේ ප්‍රාදේශිය ලේකම් කොට්ඨාශයට පත්වීම් 37 ක් සහ කොත්මලේ ප්‍රාදේශිය ලේකම් කොට්ඨාශයට පත්වීම් 45 ක් ලබාදීම සිදුවිය.

මෙම අවස්ථාවට නුවරඑළිය පුරපති චන්දන ලාල් කරුණාරත්න, දිස්ත්‍රික් ලේකම් එම්.බි.ආර්. පුෂ්පකුමාර, අතිරේක දිස්ත්‍රිත් ලේකම් පි.ඒ.සරත් චන්ද්‍ර, යන මහත්වරු ඇතුළු විශාල පිරිසක් එක්ව සිටිහ.

DMU/Muwaraeliya