ලක්ෂ 325 ක මුදලක් වැය කොට ඉදි කර ඇති මෙම තෙමහල් ගොඩනැගිල්ල තුළ එකවර 300 කට පමණ අසුන්ගත හැකි ශ්‍රවනාගාරයකින් සහ කාර්යාල සංකීර්ණයකින් සමන්විතය. මෙම නව ගොඩනැගිල්ල විවෘත වීමත් සමග කාර්යාල පහසුකම් සම්බන්ධයෙන් පාතහේවාහැට ප්‍රාදේශීය ලේකම් කාර්යාලයේ සේවය කරන නිලධාරීන්ට මෙතෙක් පැවති ගැටළු බොහොමයකටම විසදුම් ලැබෙනු ඇත.
මෙම අවස්ථාව සදහා මහනුවර දිස්ත්‍රික් සම්බන්ධීකරණ කමිටුවේ සම සභාපති නගර සැලසුම්, ජල සම්පාදන සහ උසස් අධ්‍යාපන රාජ්‍ය අමාත්‍ය ලකී ජයවර්ධන මහතා ඇතුළු මහජන නියෝජිතයන් රැසක් සහ අභ්‍යන්තර සහ ස්වදේශ කටයුතු හා පළාත් සභා සහ පළාත් පාලන අමාත්‍යංශයේ ලේකම් එච්.එම්. ගාමිණී සෙනෙවිරත්න ඇතුළු රජයේ නිලධාරීන් රැසක් සහභාගී වීමට නියමිතය.
