උතුරු පළාතේ කිලිනොච්චිය, මුලතිව්, වව්නියා, මන්නාරම දිස්ත්‍රික්ක වලට හා නැගෙනහිර පළාතේ දිස්ත්‍රික්ක රැසකට පානීය හිඟය තදින්ම බලපා ඇතැයි එම මධ්‍යස්ථානයේ සහකාර අධ්‍යක්‍ෂ ප්‍රදීප් කොඩිප්පිලි මහතා රජයේ නිල වෙබ් අඩවියට පැවසීය.
මෙම ප්‍රදේශ වලට අපදා කළමනාකරණ අමාත්‍යංශය විසින් ජල ටැංකි 15000 ක් සහ ජල බෝතල් ද යවා තිබේ. ජාතික අපදා සහන මධ්‍යස්ථානයේ මෙහෙයවීමෙන් ජාතික ජල සම්පාදන හා ජලාපවහන මණ්ඩලය මඟින් ද ජල බව්සර් වලින් ජලය සැපයීමට පියවරගෙන ඇත.
මේ දිනවල ජලය ඉතාමත් අරපරිස්සමෙන් යුතුව පාවිච්ච් කරන ලෙස ද, මෙම ප්‍රදේශවල ජනතාවට පානීය ජලය පිලිබඳ ගැටළු තිබේ නම් 117 දරණ දුරකථන අංකයට දැනුම් දෙන ලෙස ද ප්‍රදීප් කොඩිප්පිලි මහතා ඉල්ලා සිටී.
නියඟයෙන් පීඩා විදින ජනතාවට සහන සැළසීම සඳහා අපදා කළමනාකරණ අමාත්‍යංශය මඟින් දිස්ත්‍රික් ලේකම්වරුන් වෙත රුපියල් මිලියන 60 ක මුදලක් නිකුත් කොට ඇති අතර අවශ්‍යතා අනුව තවත් මුදල් සපයන බව ද ඒ මහතා කීය.
