ජූලි 17, 2019
tami eng youtube  twitter facebook
    logo

    ප්‍රශ්න රැසකට මුහුණ දෙන්න වුණත් දැවැන්ත සංවර්ධන්යක් රට පුරාම සිදුකරන්න හැකිවුණා-අමාත්‍ය වජිර අබේවර්ධන

    ජූලි 12, 2019

    මේ වර්ෂයේ රටේ කොතරම් ප්‍රශ්න තිබුණත් රටේ දැවන්ත සංවර්ධනයක් සිදුවූ බවත් වියදමට වඩා රජයේ ආදායම වැඩිකර ගැනීමට හැකිවූ නිසා සංවර්ධන ව්‍යාපෘති සඳහා විශාල මුලක් වෙන්කිරීමට හැකිවූ බවත් අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය වජිර අබේවර්ධන මහතා පවසයි.

    අමාත්‍යවරයා මේ බව කියා සිටියේ ඊයේ (11) බත්තරමුල්ල අභ්‍යන්තර කටයුතු අමාත්‍යාංශ ශ්‍රවණාගාරයේ දී පැවැති දිසාපති සමුළුව අතරතුර මාධ්‍ය හමුවේ අදහස් දක්වමිනි. ඒහි දී අමාත්‍යවරයා මෙසේ ද කීවේය.

    ''ඉතිහාසයේ පළමු වතාවට අපි රටේ සෑම මැතිවරණ කොට්ඨාසයක ම අග්‍රාමාත්‍ය රනිල් වික්‍රමසිංහ මහතාගේ උපදෙස් හා මගපෙන්වීම යටතේ සෑඹ මැතිවරණ කොට්ඨාසයක ම රුපියල් ලක්ෂ 3000ක් බැගින් වූ සංවර්ධන ව්‍යාපෘති ක්‍රියාත්මක කරනවා. මෙතෙක් කාලයක් වර්ෂයකට මහජන නියෝජිතයකුට සංවර්ධන යෝජනා ක්‍රියාත්මක කිරීම සඳහා ලැබුණේ රුපියල් ලක්ෂ 50ක් 100ක් පමණ වූ මුදලක්. දිස්ත්‍රික් 25හි මේ වනවිටත් ව්‍යාපෘති 25,000ක් ආරම්භ කර තිබෙනවා. ක්‍රියාත්මක කිරීමට නියමිත සම්පූර්ණ ව්‍යාපෘති සංඛ්‍යාව 40,000කට වැඩියි. සෑම මහජන නියෝජිතයකුටම තම තමන්ගේ ආසනවල සංවර්ධන කටයුතු සඳහා අමතර රුපියල් ලක්ෂ 500ක මුදලක් ලැබෙනවා. ඒ් මුදල් අපේ අමාත්‍යාංශය මගින් දිස්ත්‍රික් ලේකම් කාර්යාල සහ ප්‍රාදේශීය ලේකම්ස ම්බන්ධීකරණයෙන් ව්‍යාපෘති සඳහා යොදවා තිබෙනවා. ශ්‍රී ලංකාවේ ඉතිහාසයේ කිසිම දිනක නොවූ විරූ ආකාරයෙන් සියලුම බෞද්ධ විහාරස්ථාන ඇතුළු ආගමික ස්ථාන සඳහා අගමැති රනිල් වික්‍රමසිංහ මැතිතුමාගේ උපදෙස් මත මුදල් වෙන් කළා. ''

    අභ්‍යන්තර හා ස්වදේශ කටයුතු සහ පළාත් සභා හා පළාත් පාලන රාජ්‍ය අමාත්‍ය ජේ.සී.අලවතුවල මහතා අදහස් දක්වමින් මෙසේ කීවේය.
    ''ගම්පෙරළිය වැඩසටහන යටතේ අපි රට පුරා දැවැන්ත සංවර්ධනයක් සිදුකරමින් තිබෙනවා. ඊට අමතරව අපි මෙතෙක් සමෘද්ධි සහනාධාරය නොලැබුණු පවුල් ලක්ෂ හයකට අලුතෙන් සමෘද්ධි සහනාධාරය ලබාදුන්නා. උපාධිධාරීන් 5000කට රැකියා අවස්ථා ලබා දුන්නා. අගෝස්තු 01දා වනවිට තවත් උපාධිධාරීන් පිරිසකට රැකියා ලබා දෙනවා. පසුගිය දා රජයේ සේවකයන්ගේ වැටුප් වැඩි කළා. රජය වියදම් අඩු කරමින් ආදායම වැඩි කිරීමේ ප්‍රතිලාභ දැන් ජනතාවට ලබා දෙනවා.

    දිසාපති සමුළුව සඳහා අ අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍යාංශයේ ලේකම් ගාමිණී සෙනෙවිරත්න මහතා සියලුම දිසාපතිවරු ඇතුළු රජයේ නිලධාරීන් විශාල පිරීසක් සහභාගී වී සිටියහ.

    නවතම පුවත්

    dgi log front

    electionR2sin

    recu

    Desathiya