සැප්තැම්බර් 20, 2019
tami eng youtube  twitter facebook

    සුන්දර වෙරළ තීරය රැක ගැනීම වෙනුවෙන් නාවික හමුදාවෙන් වැඩසටහනක්

    ජූනි 17, 2019

    වෙරළ සංරක්ෂණය කිරීමේ අරමුණින් දකුණු නාවික විධානයේ නිලධාරින් හා නාවිකයින් එක්ව වෙරළ තීරය පිරිසිදු කිරිමේ වැඩසටහනක් (ජූනි 15) ක්‍රියාත්මක කරන ලදි.

    නාවික හමුදාව විසින් වෙරළ තීරයන් සුරක්‍ෂිත කර ගැනීමේ අරමුණින් නිරන්තරයෙන් වැඩසටහන් ක්‍රියාක්මක කරනු ලබන අතර, ඒ අනුව අද දකුණු නාවික විධානය භාර ආඥාපති ඇතුළු දකුණු නාවික විධානයට අයත් සියළු ආයතයන්හි නිලධාරින් හා නාවිකයන් විශාල පිරිසකගේ සහභාගීත්වයෙන් මෙම පිරිසිදු කිරීමේ වැඩසටහන ක්‍රියාත්මක කරන ලදී.

    ඒ අනුව ගාල්ල, මහමෝදර සහ තංගල්ල, පරවි වැල්ල මෙන්ම හම්බන්තොට, ධිවර වරාය ආශ්‍රිත වෙරළ තීරයන් මෙලෙස පිරිසිදු කිරීමේ කටයුතු සිදු කරන ලද අතර, එහිදී වෙරළ තීරයන්හි විසිරී තිබූ ප්ලාස්ටික් ඇතුළු කැලිකසල විශාල ප්‍රමාණයක් ඉවත් කිරීමට කටයුතු කරන ලදී.

    තවද, නාවික හමුදාධිපති, වයිස් අද්මිරාල් පියල් ද සිල්වා‍ මහතාගේ නායකත්වය යටතේ නීල හරිත සංකල්පය නාවික හමුදාව තුළ ක්‍රියාවට නැංවීම සඳහා සෑම නාවික විධානයකම මෙවැනි පරිසර හිතකාමි වැඩසටහන් රැසක් ක්‍රියාත්මක කර ඇත. එමෙන්ම, පිරිසිදු වෙරළ තීරයක් පවත්වා ගැනීම සඳහා නාවික හමුදාව නිරන්තරයෙන් කැපවී සිටින අතර, සතිපතා සියළුම නාවික කඳවුරු ආශ්‍රිත ප්‍රදේශයන්හි වෙරළ තීරයන් පිරිසිදු කිරීමේ වැඩසටහන් ක්‍රියාත්මක කරනු ලබයි.

    නවතම පුවත්

    dgi log front

    electionR2sin

    recu

    Desathiya