අප්‍රේල් 21 වැනි දින ශ්‍රී ලංකාවේ විවිධ ස්ථානවල සිදු වූ ත්‍රස්තවාදී ප්‍රහාර පිළිබඳ සොයා බලා පාර්ලිමේන්තුවට වාර්තා කිරීම පිණිස පත් කළ පාර්ලිමේන්තු විශේෂ කාරක සභාව අද (4) සවස 3.00 සිට ප.ව 9.00 දක්වා පැවැත්වෙන බව පාර්ලිමේන්තු විශේෂ කාරක සභාවේ ලේකම් ටිකිරි කේ ජයතිලක මහතා රජයේ නිලපුවත් වෙබ් අඩවියට පැවසීය.
පළමු කාරක සභාව පසුගිය මැයි 29 දින රැස්වූ අතර අද දෙවැනි දිනට කාරක සභාව රැස් වෙයි. පසුගිය කාරක සභාවේ දී ආරක්ෂක ලේකම්වරයා සහ ජාතික බුද්ධි ප්‍රධානි, කාරක සභාව හමුවේ සක්ෂි ලබාදීමට කැඳවා තිබුණි. මෙම කාරක සභාව ප්‍රථමවරට මාධ්‍ය වෙත විවෘත කර තිබුණි. එමෙන් ම අද (4) සවස පක්ෂ නායක රැස්වීමක් ද පැවැත්වීමට නියමිත ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
