ඉන්දීය මහ මැතිවරණයෙන් විශිෂ්ට ජයග‍්‍රහණයක් ලබාගත් අග‍්‍රාමාත්‍ය නරේන්ද්‍ර මෝදි මහතා වෙත (24) පස්වරුවේ දුරකථන ඇමතුමක් ලබා දුන් ජනාධිපති ගරු මෛතී‍්‍රපාල සිරිසේන මැතිතුමා එතුමා ලත් විශිෂ්ට ජයග‍්‍රහණය පිළිබඳ සිය සුබපැතුම් පිරිනැමීය.
නරේන්ද්‍ර මෝදි මහතා සමඟ ඉතා සමීප ව කටයුතු කරන අයෙකු ලෙස මෙම ඓතිහාසික ජයග‍්‍රහණය පිළිබඳ තමා ඉතා සතුටට පත්වන බව ප‍්‍රකාශ කළ ජනාධිපතිතුමා එතුමාගේ ඉදිරි පාලන කාලය තුළ ශ‍්‍රී ලංකාව සහ ඉන්දියාව අතර ද්විපාර්ශ්වික සබඳතා තවදුරත් ශක්තිමත් වනු ඇති බවට ද විශ්වාසය පළ කළේය.
දුරකථනය ඔස්සේ කෙටි කථා බහක නිරත වූ නායක දෙපළ සහෝදර රාජ්‍යයන් ලෙස සාමය, ප‍්‍රජාතන්ත‍්‍රවාදය හා සංවර්ධනය වෙනුවෙන් සහයෝගයෙන් කටයුතු කිරීමට ද සහතික වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
