අද අපි ගෝලීය ත්‍රස්තවාදයේ කොටසක් ලෙස ඇතුළ් වෙලා. අද ගෝලීය ත්‍රස්තවාදී ඉන්ඩෙක්ස් අනුව ජාතිවාදය පදනම් කරගත් ත්‍රස්තවාදයට වඩා ආගම පදනම් කරගත් ත්‍රස්තවාදය ඉදිරියට ඇවිත් තියෙනවා. සංවිධානත්මක
දීගුකලීන ත්‍රස්තවාදයක් ලෙස මෙය කියන්න පුළුවන්. අතළොස්සක් සහභාගී වුවත් මෙය දීගු කාලින සැලසුම් ඇතිව ඇති කර තිබෙන්නේ. මෙවැනි ප්‍රහාර කීපයක් සකස් කර තිබෙනවා. එයින් කීපයක් නවත්වාගෙන
තියෙන්නේ. මෙය සැලසුම් කරන පුද්ගලයන් ඉන්නවා. දිවි නසගන්නා අය පාලනය කරන අය ඉන්නවා. පොලිසිය , ආරක්ෂ අංශ, බුද්ධි අංශය මෙවැනි අය අත්අඩංගුවට ගන්නවා. හදිසි නීතිය හදුන්වා දුන්නා. අත් අත් අඩංගුවට ගැනීමේ බලතල හමුදාවට ලබාදුන්නා. වැදගත් කරුණු කීපයක් ලබා ගෙන තිබෙනවා. නොමඟ ගියේ ස්වල්පයක් පමණයි. මුස්ලිම් ජනතාව මීට විරුද්ධයි. මෙයට සියලු දෙනා විරුද්ධ විය යුතුයි.
මෙතැන අරමුණක් වී තිබෙන්නේ ආර්ථිකයට පහර දීමටයි.දැන් සංචාරක ස්ථාන ආරක්ෂා කරන්න ආර්ථිකය ශක්තිමත් කරන්න වෙනම පියවර අරගෙන යනවා. තව අවුරුදු 30 යුද්ධයකට යන්න ඉඩ දෙන්නේ නෑ. මෙය
අවසන් කිරීමට පියවර ගන්නවා. එක්සත් ජාතින්ගේ මහලේකම්තුමා සහාය දෙනවා කියලා පොරොන්දු වී තිබෙනවා. දුරකතනයෙන් හා ලිපි මඟින් ඩොනල්ඩ් ට්‍රම්ප් ජනාධිපතිතුමා ඇතුළු රාජ්‍ය නායකයින් සමඟ සාකච්ඡා කළා.ඔවුන් සියලු දෙනා ශ්‍රී ලංකාවට උදව් කිරීමට කැමැත්ත ප්‍රකාශ කළා .ජාත්‍යන්තර සහයෝගය ලබාගෙන ත්‍රස්තවාදය නැති කිරීමට පියවර ගන්නවා.ජාත්‍යන්තර සහයෝගයෙන් සම්පූර්ණ ප්‍රයෝජනය ගත යුතුයි. මහජන සහයෝගය ලබාගෙන කටයුතු කළ යුතුයි.අභියෝගයට මුහුණ දීලා කටයුතු කරමු යැයි ද අග්‍රාමාත්‍යවරයා පැවසී ය.
