අගෝස්තු 25, 2019
tami eng youtube  twitter facebook

    වසර 12 කට පසු SPC සේවකයින්ට මාස 03ක බෝනස් දීමනා 

    අප්‍රේල් 17, 2019

    2006 වසරින් පසු රාජ්‍ය ඖෂධ නීතිගත සංස්ථාවේ සේවක සේවිකාවන් සදහා සිංහල හා හින්දු අලුත් අවුරුද්ද වෙනුවෙන් මාස 03 ක බෝනස් දීමනාවක් මෙවර ලබාදීමට පියවර ගත් බව එහි සභාපති ආචාර්ය එම්.එච්.එම් රූමි මහතා පවසයි.

    සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා තමන්ගෙන් කළ ඉල්ලීමකට අනුව අධ්‍යක්ෂ මණ්ඩල අනුමැතිය යටතේ මෙම බෝනස් දීමනාව ලබාදීමට පියවර ගත් බව සභාපතිවරයා ප්‍රකාශ කරයි.

    බෝනස් දීමනාවක් ලබාදීම සදහා සංස්ථාවේ ආදායම සියයට 125 කින් වැඩිවී තිබිය යුතුය. මේ වනවිට සංස්ථාවේ ආදායම සියයට 130 කින් වැඩි වී ඇත. සංස්ථාවේ සේවක සේවිකාවන් 1050 ක් සේවය කරන අතර, ඔවුන්ට බෝනස් දීමනා ලබාදීම සදහා වැය කළ මුදල රුපියල් මිලියන 150 කි.

    2017 වසරේ සෞඛ්‍ය අමාත්‍යවරයාගේ මැදිහත්වීම මත සේවක සේවිකාවන්ට සියයට 50 ක වැටුප් වර්ධකයක් ද ලබාදෙන ලදි. මෙම වැඩපිළිවෙලට සහ බෝනස් ලබාදීම සම්බන්ධයෙන් සංස්ථාවේ වෘත්තීය සමිති ප්‍රසාදය පළ කරන බව සභාපතිවරයා ප්‍රකාශ කරයි. මේ අතර, කෙට් කාලින හා මධ්‍යකාලීන වැඩපිළිවෙළක් යටතේ රාජ්‍ය ඖෂධ නීතිගත සංස්ථාවේ ශාඛා ජාලය පුළුල් කිරීමට සෞඛ්‍ය අමාත්‍යවරයා උපදෙස් ලබාදී ඇත.

    මේ වන විට පවතින ඔසුසල ශාඛා සංඛ්‍යාව 43 කි. ඉදිරි දිනවල දී බදුල්ල, මතුගම,අම්බලන්ගොඩ, දර්ගා නගරය යන ප්‍රදේශවල ඔසුසල් ශාඛා විවෘත කිරිමට කටයුතු යොදා ඇත. 2019 වසරේ සංස්ථාවේ ලාභය මිලියන 2000 ඉක්මවීම තම අරමුණ බව ද සභාපතිවරයා වැඩිදුරටත් ප්‍රකාශ කරයි.

    නවතම පුවත්

    dgi log front

    electionR2sin

    recu

    Desathiya