දක්ෂිණ අධිවේගී මාර්ගයේ මාතර සිට හම්බන්තොට දක්වා කොටස ලබන අගෝස්තු මාසයේදී විවෘත කිරීමට සැලසුම් කර ඇති බවත් මේ වනවිට ව්‍යාපෘතියේ වැඩකටයුතු 90%ක් අවසන් බව ව්‍යාපෘති අධ්‍යක්ෂ කේ.ඩබ්.කන්ඩම්බි මහතා සදහන් කරයි.
එහි දිග කිලෝමීටර 96 ක්. වඟුරු බිම් බහුලව ඇති මෙම ප‍්‍රදේශයේ කුළුණු මතින් මාර්ගය ඉදිකරමින් පරිසර විනාශය අවම කරගැනීමට හැකිව ඇති බවයි කන්ඩම්බි මහතා සඳහන් කරයි.
මාතර සිට හම්බන්තොට දක්වා මෙම කොටස ඉදිකිරීමත් සමඟ දකුණේ ආයෝජන, සංචාරක සහ සංවර්ධන කටයුතු වලට වැඩි අවස්ථාවක් හිමිවෙයි. හම්බන්තොට වරායට සහ මත්තල ගුවන් තොටුපොළට ගමන් කිරීම ද පහසු වන බව අමාත්‍යාංශය පෙන්වාදෙයි. මාර්ගය ඉදිකිරීම සඳහා ඇස්තමේන්තුගත මුදල රුපියල් බිලියන 252 ක්. මංතීරු හතරකින් සමන්විත මාර්ගයේ ඉදිකිරීම් අදියර 4 ක් යටතේ සිදුකෙරේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
