අනුරාධපුර දිස්ත්‍රික්කයේ පාරිසරික වාර්තාව දිස්ත්‍රික් ලේකම් ආර්.එම්.වන්නිනායක මහතා විසින් ජනාධිපතිතුමා වෙත පිළිගැන්වූ අතර එහිදි පරිසර සමුළුව මුල්කරගෙන පැළයක් රෝපණය කළ ජනාධිපතිතුමා පරිසර හිතකාමී පාසල් ශිෂ්‍ය ශිෂ්‍යාවන් දෙදෙනෙකුට සංකේතවත් ලෙස පළතුරු පැළ බෙදාදීමක්ද සිදුකළේය.
මෙම අවස්ථාවට අමාත්‍යවරුන් වන පී.හැරිසන්, වන්ද්‍රාණි බණ්ඩාර, නියෝජ්‍ය ඇමති අජිත් මානප්පෙරුම, පාර්ලිමේන්තු මන්ත්‍රී දුමින්ද දිසානායක,උතුරු මැද ආණ්ඩුකාර සරත් ඒකනායක යන මහත්වරුන් ඇතුළු රජයේ නිලධාරීන් හා පරිසර පොලිසියේ නිලධාරීන්ද එක්ව සිටියහ.
