ශ්‍රී ලාංකීය ගොවි ජනතාව නෙලා ගත් මහ කන්නයේ අස්වැන්නෙහි අග්‍රඵලය බුදුන් වහන්සේ වෙත පූජා කිරීමේ ඓතිහාසික උත්සවය “අලුත් සහල් මංගල්‍යය” 2019 අප්‍රේල් මස 06 සහ 07 වන දින අනුරාධපුර ජය ශ්‍රී මහා බෝ සමිඳුන් අභියසදී ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්වීමට කටයුතු යොදා ඇති බව බව කෘෂිකර්ම, ග්‍රාමීය ආර්ථික කටයුතු, පශු සම්පත් සංවර්ධන, වාරිමාර්ග සහ ධීවර හා ජලජ සම්පත් අමාත්‍ය පී. හැරිසන් මහතා පැවසී ය.
මේ පිළිබඳ මූලික සාකච්ඡාවක් අටමස්ථානාධිපති අතිපුජ්‍ය පල්ලේගම සිරිනිවාස නාහිමියන්ගේ මූලිකත්වයෙන් පසුගියදා පැවැත්විණි. එහිදී උන්වහන්සේගේ පූර්ණ ආශිර්වාදය මේ සඳහා ලැබෙන බවත් මෙවර අලුත් සහල් මංගල්‍යය සඳහා ඒ ඒ දිස්ත්‍රික්කයන් නියෝජනය වන පරිදි සංස්කෘතිකාංග ද එක් කළ යුතු බව එහිදී සාකච්ඡා වූ බව අමාත්‍යවරයා කීය.
මෙම අවස්ථාවට කෘෂිකර්ම අමාත්‍යාංශ ලේකම් කේ.ඩී.එස්.රුවන්චන්ද්‍ර මහතා, ගොවිජන සේවා කොමසාරිස් ජනරාල් ඩබ්.එම්.එම්.බී.වීරසේකර මහතා ඇතුළු කෘෂිකර්ම අමාත්‍යාංශයේ නිලධාරීන් කීප දෙනෙක් එක් විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
