''සාමකාමී මැතිවරණයක් අප රටට යොමු වේවා,ඒ සඳහා ශ්‍රී ලංකාවේ සියලුම දේශපාලන පක්ෂ නියෝජනය කරන භවතුන්ට සම්‍යයක් දර්ශනය පහළ වේවා!''ඇතුළු තේමාවන් මුල්කර ගනිමින් දෙදහසකට අධික මහා සංඝරත්නය සහභාගීත්වයෙන් මහා අධිෂ්ඨාන පූජාවක් කොළඹ නිදහස් චතුරස්‍ර පරිශ්‍රයේ දී අද (6) සවස පැවැත්විණි.
මෙම අධිෂ්ඨාන පූජාවට සහභාගී වීම සඳහා සිව් දිගින් වැඩම කළ සංඝයා වහන්සේලා, කොළඹ විජේරාම මාවතේ පිහිටි සම්බෝධි විහාරස්ථානයේ සිට පාගමනින් නිදහස් ශාලාව වෙත වැඩම කළහ.
නාරාහේන්පිට අභයාරාමාධිපති පූජ්‍ය මුරුත්තෙට්ටුවේ ආනන්ද නාහිමියෝ රැස්ව සිටි පිරිස පංච ශීලයේ පිහිට වූ අතර සිංහල රාවයේ මහ ලේකම් පූජ්‍ය මාගල්කන්දේ සුදත්ත හිමියන් පිළිගැනීමේ කතාව පැවැත්වූහ. මේ අවස්ථාවට බෞද්ධ සංවිධාන රැසක් ද එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
