වගාකරුවන්, ගොවීන්, සැකසුම්කරුවන්, වෙළඳුන්, අපනයනකරුවන්, ආනයනකරුවන් සහ වෙනත් කාබනික ගොවිතැන ආශ්‍රිත ව්‍යවසායකයන් වෙනුවෙන් මෙම වැඩමුළුව සංවිධානය කෙරිණි.
කාබනික ගොවිතැනෙහි මූලධර්ම සහ ශ්‍රී ලංකාවේ විශ්වසනීය කාබනික වටිනාකම් දාමයක් සහතික කරගන්නේ කෙසේද, කාබනික ගොවිතැන සඳහා නවීන කෘෂිකාර්මික භාවිතයන්, කාබනික අපනයන කෘෂි බෝග සංවර්ධනය කිරීමේදී අපනයන කෘෂිකර්ම දෙපාර්තමේන්තුවේ කාර්යභාරය,කාබනික ගොවිතැන සඳහා ජාත්‍යන්තර වෙළෙඳපොළ අපේක්ෂාව,දේශීය සහ ජාත්‍යන්තර සහතිකකරණ ආයතන මගින් කාබනික නිශ්පාදන සහතික කිරීම,ජාත්‍යන්තර කාබනික ප්‍රමිතීන් හා එහි භාවිතයට ඇති හැකියාව ආදිය වැඩමුළුව මගින් ආවරණය කරන ලදි.
